(onbekende skrywer)
Ek dink nie die hele bohaai oor ons "presidensiële kroonjuwele" strek
enigiemand tot eer nie, maar ek het my beslis verkneuter in die skitterende
woordspeling wat ek die afgelope dag of twee in die pers raakgelees het. Ek
deel dus nie soseer die "hangende tuine van Zuma" met julle nie; eerder die
seggingskrag van my geliefde taal........
Zuma is nou voëlvry verklaar
Tant Blanche is tot barstens toe vol van slurpe en gulpe
Dit is 'n hele trilling onder die volk oor die presidensiële kroonjuwele
Die president het dalk 'n punt beet
Zuma soek 'n interdick teen die galery
Lenin het ook 'n punt - elke kommunis het darem sy trots (na.v. Zuma wat
uitgebeeld is in die posisie van Lenin se beeld)
Totdat hulle prosedeer is die saak hangende
Zuma is rêrig in 'n onbesnydenswaardige posisie
Ons wil nie ons ou landjie se grootkoppe sien uithang nie
Die grootmeneer se groot meneer
Die kunstenaar moes mooi te werk gaan, want as 'n man te kort gedoen word,
raak hy baie vies
As dit 'n standbeeld was, was daar sitplek vir ten minste nog 2 duiwe
As die "liggaamsdeeltjie" 'n kondoompie op gehad het, was dit 'n "bedekte
seun".
Die skildery is nie deur Brett Murray nie, maar deur Irma Sperm.
Die skildery is nie deur Brett Murray nie, maar deur Pie...neef
Daar is baie slange in die ANC se gras, hoekom veroorsaak hierdie ou
slangetjie so 'n ophef?
Die skildery gee nuwe betekenis aan "dicktator" (onthou Julius se
beskuldiging?)
No comments:
Post a Comment